कोरोना महामारीका कारण देश आक्रान्त बनेको बेला सबै चिकित्सक, स्वास्थ्यकर्मी, सफाइकर्मी, सुरक्षाकर्मी लगायत सबै क्षेत्र बिरामीको सेवामा खटेका छन् । कोरोना महामारीको पहिलो चरण्ण सुरु भएदेखि नै चिकित्सकहरु कोरोना संक्रमितको उपचारमा खटिरहेका छन् । दिनरात बिरामीको सेवामा खट्नुका साथै एकैछिन फुरसद निकालेर डा. प्रमोद भट्टले रचेको गजल यस्तो छः

कोरोना त्रास 

धेरै पीडाकामाझ आधा श्वासले चलेको छ जिन्दगी
साच्चिकै महामारीमा बाचिन्छ भन्ने विश्वासले चलेको छ जिन्दगी

आधा पेट खान्थ्यौ पहिले, लुटिन्छ भन्न पिर छ अहिले
राहतमा आएको चाउचाउको गाँसले चलेको छ जिन्दगी

मर्नेले त मुक्ति पायो, जिउँसो पनि मरे जस्तै छ
आधा मरेका यी सपनाको लासले चलेको छ जिन्दगी

अकाश हेर्दा आधा देख्छु हेलिकप्टर, आधा देख्छु गिद्ध
कसले पहिले लान्छ भन्ने आशले चलेको छ जिन्दगी

पिडै पिडा छ चारैतिर न ओखति छ, न अक्सिजन
लाचार सरकार र कोरोनाको त्रासले चलेको छ जिन्दगी

Hamro Doctor