भारतमा थप एकजनामा मङ्किपक्स भाइरसको सङ्क्रमण देखियो
एजेन्सी, ७ साउन । भारतमा थप एकजनामा मङ्किपक्स भाइरसको सङ्क्रमण देखिएको छ ।
भारतको केरला राज्यको मलाप्पुरममा हिजो थप एकजनामा मङ्किपक्स भाइरसको सङ्क्रमण पुष्टि भएको हो ।
केरलका स्वास्थ्य मन्त्री वीणा जर्जले यसको पुष्टि गरेकी छन् ।
उनका अनुसार ६ जुलाईमा दुबईबाट आएका ३५ वर्षका एकजना पुरुषमा मङ्किपक्स भाइरसको सङ्क्रमण देखिएको हो ।
यसअघि पनि केरलामै २ जनामा मङ्किपक्स भाइरसको सङ्क्रमण देखिएको थियो । ती दुबैजना पनि दुबईबाट नै भारत फर्केका थिए ।
लगातार मङ्किपक्स भाइरसको सङ्क्रमण पुष्टि हुन थालेपछि राज्य सरकारले मङ्किपक्स भाइरसको परीक्षण तीव्र बनाएको छ ।
