भारतमा पछिल्लो २४ घन्टामा २ हजार ५ सय ३ कोरोना संक्रमित थपिए
एजेन्सी,३० फागुन । भारतमा पछिल्लो २४ घन्टामा २ हजार ५ सय ३ कोरोना संक्रमित थपिएका छन् ।
भारतको केन्द्रीय स्वास्थ्य तथा परिवार कल्याण मन्त्रालयले सोमबार दिएको जानकारी अनुसार सो समयमा नै कोरोना संक्रमणबाट थप २७ जनाको मृत्यु भएको छ ।
भारतमा हालसम्म कूल कोरोना संक्रमितको संख्या ४ करोड २९ लाख ९३ हजार ४ सय ९४ रहेको छ भने ५ लाख १५ हजार ८ सय ७७ को मृत्यु भएको छ।
स्वास्थ्य मन्त्रालयका अनुसार सोही अवधिमा ४ हजार ३ सय ७७ कोरोनाभाइरसबाट संक्रमणमुक्त भएका छन् । योसँगै भारतमा अहिलेसम्म कोरोनाभाइरसबाट संक्रमणमुक्त हुनेको सङ्ख्या ४ करोड २४ लाख ४१ हजार ४ सय ४९ पुगेको छ ।
त्यस्तै भारतमा अहिले सक्रिय संक्रमितको संख्या भने ३६ हजार १ सय ६८ रहेको छ ।
