बीबीसी, इटाली सरकारले आफ्नो महिला कर्मचारीहरुलाई महिनावारीको समयमा तलब सहित तीन दिने विदा दिने प्रस्ताव अगाडी बढाएको छ ।

महिनावारीको समयमा विदा चीन, जापान, इन्डोनेसिया र दक्षिण कोरियामा पहिले देखि नै लागु भइसकेको छ । तर, इटाली महिनावारीको  समयमा  बिदा दिने पहिलो पश्चिमी देश बन्ने छ । 

सरकारको यस्तो प्रस्तावले कतिपय यस बारे धेरै खुसी छन्, तर धेरै व्यक्तिहरुले सरकारको यस्तो निर्णय महिला विरुद्ध हुनेछ भन्ने आशंका गरेका छन् । 

हाल, इटालीमा काम गर्ने महिला कर्मचारीको संख्या ६० प्रतिशत रहेको छ भने युरोपमा महिला कर्मचारीहरूको औसत संख्या ७२ प्रतिशत रहेको छ । 

महिनावारीलाई महिलाले सामान्यतया एक प्राकृतिक समस्याका रुपमा लिने गर्छन् । धेरै जसो महिलाहरु यो समयमा अत्याधिक दुखाइको महसुस गर्छन् । यस्तो अवस्थामा कतिपय महिलाले काम नै गर्न सक्दैनन् । 

‘युगक’ संस्थाको एक अध्ययन अनुसार महिनावारी समयमा आधा भन्दा धेरै महिलाहरु काम गर्न सक्ने क्षमताबाट प्रभावित भएको पाइन्छ । महिनावारीको समयमा एक चौथाई महिलाहरुले आफ्नो हाकिमलाई जानकारी दिएका हुन्छन् ।

बीबीसी हिन्दीबाट 

Hamro Doctor