भारतमा हवाई यात्रीहरूले उडानभरि मास्क लगाउनु पर्ने
एजेन्सी,२६ जेठ । भारतमा हवाई यात्रीहरूले उडानभरि नाक र मुख छोपिनेगरी मास्क लगाउनु पर्ने छ ।
भारतमा हवाई नियामक निकायले नयाँ निर्देशन जारी गर्दै सबै हवाई यात्रीहरूलाई अनिवार्य मास्क लगाउन भनेको हो ।
कोभिड–१९ सङ्क्रमण दरमा कमी आएसँगै जहाजमा भएका यात्रुहरूले मुखमा मास्क नलगाएर कोभिड नियमलाई हल्का लिन थालेपछि सरकारी उक्त निकायले उडानका समय मास्कलाई सुरक्षित लगाइराख्न निर्देशन गरेको हो ।
नागरिक उड्डयन महानिर्देशनालयले जारी गरेको निर्देशनमा विमानस्थल परिसरमा पनि मास्क अनिवार्य गरिएको छ ।
नयाँ निर्देशनले भारतमा कोभिड–१९ को सक्रिय सङ्क्रमितको सङ्ख्यामा वृद्धि भएपछि मास्कको महत्वलाई मान्यता दिएको हो ।
