भारतमा ६ हजार ९ सय १५ जना नयाँ सङ्क्रमित थपिए
ऐजेन्सी,१७ फागुन । भारतमा पछिल्लो २४ घन्टामा ६ हजार ९ सय १५ जना नयाँ कोरोना सङ्क्रमित थपिएका छन् । त्यहाँका सरकारी अधिकारीहरुले दिएको जानकारी अनुसार सोही अवधिमा १ सय ८० जनाको कोरोनाभाइरसका कारण मृत्यु भएको छ ।
त्यस्तै भारतमा अहिले सक्रिय सङ्क्रमितको सङ्ख्या ९२ हजार ४ सय ७२ रहेको छ । सोही अवधिमा १६ हजार ८ सय ९४ जना कोरोनाभाइरसबाट सङ्क्रमणमुक्त भएका छन् ।
भारतमा एउटै अवधिमा नयाँ सङ्क्रमितहरुको सङ्ख्या भन्दा सङ्क्रमणमुक्त भएकाहरुको सङ्ख्या धेरै रहेकाले सक्रिय सङ्क्रमितहरुको सङ्ख्या पनि घट्दै गएको छ ।
