कोलोन ट्युमरको उपचार पछि अस्पतालबाट डिस्चार्ज भए पेले
एजेन्सी, १७ फागुन । विश्व प्रसिद्ध फुटबल खेलाडी पेले अस्पतालबाट डिस्चार्ज भएका छन् ।
कोलोन ट्युमर र युरिनरी ट्र्याक्ट इन्फेक्सनको उपचारका लागि अस्पताल भर्ना भएका पेले सोमवार डिस्चार्ज भएर घर फर्केका हुन् ।
८१ वर्षीय पेले साओ पाउलोको अल्बर्ट आइन्टाइन अस्पतालमा गत फेबु्रअरी १३ मा भर्ना भएका थिए ।
तीनपटक विश्वकप जित्ने एकमात्र खेलाडीका रुपमा रहेका पेलेको गत वर्षको सेप्टेम्बरमा ट्युमरको शल्यक्रिया गरिएको थियो ।
पछिल्ला वर्षहरूमा पेलेको स्वास्थ्य अवस्था चिन्ताको विषय बनेको छ ।
सन् २०१५ मा पेलेको प्रोस्टेटको शल्यक्रिया भएको थियो भने सन् २०१९ मा पिसावमा सङ्क्रमण देखिएपछि अस्पताल भर्ना भएका थिए ।
