बलिउडका गायक तथा संगीतकार बप्पी लहरीको निधन
ऐजेन्सी,४ फागुन । बलिउडका गायक तथा संगीतकार बप्पी लहरीको मंगलबार राती ६९ वर्षको उमेरमा निधन भएको छ । उनको मुम्बईको जुहुस्थित क्रिटी केयर अस्पतालमा उपचारको क्रममा निधन भएको हो ।
मंगलबार राति स्वास्थ्यमा समस्या देखिएपछि उनलाई अस्पताल भर्ना गरिएको थियो । बप्पीको निधन पछि अस्पतालले बयान जारी गर्दै उनमा अब्सट्रक्टिभ स्लीप ऐप्नीया र छातीमा संक्रमण भएको जनाएको छ ।
भारतिय सञ्चार माध्यमका अनुसार उनी पछिल्लो एक महिनादेखि अस्पतालमा भर्ना भएका थिए । दुई पटक कोरोना संक्रमण भएर निको भएका उनी लामो समयदेखि अस्वस्थ थिए।
बलिउडमा आफ्नो पचास वर्ष लामो करियरमा ६ सय ५० भन्दा बढि फिल्म तथा सयौं गीति एल्बममा संगीत दिइसकेका बप्पी लहिरी संगीतकारका साथै गायक पनि हुन् ।
उनले सन् १९७०-८० को दशकमा फिल्ममा डिस्को थीमवाला कयौं गीत दिएका थिए।
बप्पी लहरीको जन्म २७ नोभेम्बर सन् १९५२ मा पश्चिम बंगालको शहर जलपाईगुडीमा भएको थियो ।
