विश्वभर कोरोना संक्रमण हुनेको संख्या ४० करोड बढी
एजेन्सी,२७ माघ । विश्वभर पछिल्लो २४ घन्टामा २४ लाख १३ हजार ४ सय ९१ जना कोरोना संक्रमित थपिएका छन् । योसँगै विश्वभर कुल संक्रमितको संख्या ४० करोड ३४ लाख नाघेको छ ।
त्यस्तै सो अवधिमा नै ११ हजार ४ सय ३० जनाको मृत्यु भएको छ भने २३ लाखभन्दा बढी संक्रमणमुक्त भएका छन् ।
पछिल्लो २४ घण्टामा अमेरिकामा २ लाख २४ हजार भन्दाबढी, रुसमा १ लाख ८३ हजार, इटलीमा ८१ हजार, ब्राजिलमा १ लाख ८३ हजार संक्रमित थपिएका छन् ।
त्यसैगरी भारतमा पछिल्लो २४ घण्टामा ६५हजारभन्दा बढी संक्रमित थपिएका छन भने १२ सय ४१ जनाको मृत्यु भएको छ ।
पछिल्लो केही दिनदेखि अमेरिका र युरोपमा कोरोना संक्रमितको संख्या घट्न थालेको छ।
