भारतमा एकैदिन २ लाख बढी कोरोना संक्रमित थपिए
ऐजेन्सी,११ माघ । भारतमा पछिल्लो २४ घण्टामा २ लाख ५५ हजार ८ सय ७४ जना कोरोना संक्रमित थपिएका छन ।
भारतीय स्वास्थ्य मन्त्रालयका अनुसार पछिल्लो २४ घण्टामा कोरोना संक्रमणबाट ६ सय १४ जनाको मृत्यु भएको छ ।
त्यस्तै पछिल्लो २४ घण्टामा भारतमा २ लाख ६७ हजार ७ सय ५३ जना कोरोना संक्रमणमुक्त भएका छन् ।
अहिले भारतमा २२ लाख ३६ हजार ८ सय ४२ जना सक्रिय संक्रमित रहेको मन्त्रालयले जनाएको छ ।
