बलिउड गायिका लता मंगेशकरलाई कोरोना पुष्टि,आईसीयूमा भर्ना
काठमाडौं,२७ पुस । वरिष्ठ भारतीय गायिका लता मंगेशकरलाई कोरोना भाइरस संक्रमण पुष्टि भएको छ । कोरोना पोजेटिभ रिपोर्ट आएसँगै उनलाई अस्पतालको आईसीयूमा भर्ना गरिएको छ ।
भारतीय सञ्चारमाध्यमका अनुसार मुम्बईको क्याण्डी अस्पतालमा उपचाररत् लतालाई कोरोनाको सामान्य लक्षण देखिएको छ ।
चिकित्सकहरुका अनुसार ९२ वर्षीया लतालाई उमेरसम्बन्धी समस्या पनि भएकाले त्यसको उपचारका लागि अस्पतालमा भर्ना गरिएको हो ।
भारतमा कोरोना भाइरस संक्रमणको तेस्रो लहर सुरु भएसँगै सेलिब्रटीहरु पनि संक्रमित भइरहेका छन् ।
