बेलायतमा अहिलेसम्मकै सबैभन्दा बढी कोरोना संक्रमित भेटिए
ऐजेन्सी,८ पुस । बेलायतमा एकै दिन अहिलेसम्मकै सबैभन्दा बढी कोरोना संक्रमित भेटिएका छन् ।
अधिकारीहरुले दिएको जानकारीअनुसार बुधबार मात्र १ लाख ६ हजारजना भन्दा बढी संक्रमित भेटिएका हुन् । यसअघि त्यहाँ एकै दिनमा लगभग ९६ हजारमा कोरोना भाइरसको संक्रमण देखिएको थियो ।
बेलायतमा पछिल्ला केही हप्ताहरुमा कोरोना भाइरसको प्रकोप बढ्दै गएको देखिएको छ । हरेक दिन जसो सबैभन्दा धेरै संक्रमितहरु देखिन थालेका छन् ।
त्यहाँका अधिकारीहरुले प्रकोप सुरु भएयताकै सबैभन्दा धेरै संक्रमित बढेका बताइरहेका छन्। त्यहाँ केही समययता हरेक दिन कोभिडको घातक मानिएको ओमिक्रोन भेरियन्ट पनि बढ्दो देखिएको छ।
