नर्भिकमा उपचाररत वैद्यलाई भेट्न पुगे प्रचण्ड
काठमाडौं,१ कार्तिक । नर्भिक अस्पतालमा उपचाररत क्रान्तिकारी माओवादीका महासचिव मोहन वैद्य (किरण) लाई भेट्न नेकपा माओवादी केन्द्रका अध्यक्ष पुष्पकमल दाहाल(प्रचण्ड) पुगेका छन् ।
वैद्य दमको समस्या बढेर आइतबार नर्भिक अस्पतालमा भर्ना भएका हुन् । प्रचण्डले उपचाररत नेता वैद्यसँग स्वास्थ्य अवस्थाको विषयमा जानकारी लिएका छन् ।
नर्भिक अस्पतालका चिकित्सक तथा स्वास्थ्यकर्मीहरुले वैद्यको स्वास्थ्य अवस्थाको विषयमा प्रचण्डलाई जानकारी गराएका थिए ।
प्रचण्डसँगै नेता वैद्यलाई भेट्न माओवादी केन्द्रका नेताहरु कृष्णबहादुर महरा, मातृकाप्रसाद यादव लगायत अन्य नेताहरु अस्पताल पुगेका छन् ।
आइतबार बिहान भर्ना भएका नेता वैद्यको स्वास्थ्य अवस्थामा सुधार भइरहेको उपचारमा संलग्न चिकित्सकहरुले बताएका छन् ।
Last modified on 2021-10-18 13:17:34
