अमेरिकामा गर्भपतन अधिकारको माग गर्दै प्रदर्शन
एजेन्सी, १७ असोज । गर्भपतन अधिकारको माग गर्दै अमेरिकाका ५० वटै राज्यमा दशौँ हजारले प्रदर्शन गरेका छन् ।
'गर्भपतनलाई कानुनी मान्यता' भन्नेजस्ता नारा र सङ्केतहरू सहित प्रदर्शनकारीहरूले राजधानी वासिङ्टन डीसीमा रहेको सर्वोच्च अदालत अगाडी 'मार्च पास' गरेका थिए।
करिब दुई दर्जनको सङ्ख्यामा रहेका प्रदर्शन विरोधीहरूले र्यालीको सुरुमै अवरोध पुर्याउने प्रयास गरेका थिए । त्यो अवरोध प्रदर्शनकारीहरूको गीत र तालीमा ओझेल परेको वासिङ्टन पोस्ट पत्रिकाले उल्लेख गरेको छ ।
टेक्सस राज्यको नयाँ कानुनले गर्भपतनको सेवासम्म पहुँचमा कडाइ गरेको विरोधमा अमेरिकामा महिलाहरू प्रदर्शन गरेका हुन् ।
अमेरिकाको सर्वोच्च अदालतले आगामी महिनाहरूमा गर्ने सुनुवाइले 'रो भि वेड' भनिने गर्भपतनलाई कानुनी मान्यता दिने सन् १९७३ को आदेश उल्टाउन सक्ने चिन्ता गरिएको छ ।
