अमेरिकामा एकै दिन थपिए एक लाख ६८ हजार कोरोना संक्रमित
एजेन्सी, २६ भदौ । अमेरिकामा पछिल्लो २४ घण्टामा डेढ लाखभन्दा बढीमा कोरोना संक्रमण पुष्टि भएको छ। एक लाख ६८ हजार संक्रमित थपिँदा एक हजार ७२४ जनाको मृत्यु भएको छ।
यस्तै‚ पछिल्लो २४ घण्टामा विश्वभर ५ लाख ८८ हजार संक्रमित थपिएका छन्। जसमध्ये भारतमा ३७ हजार ८००, बेलायतमा ३७ हजार ६००, टर्कीमा २३ हजार ५००, मलेसियामा २१ हजार, इरानमा २१ हजार, रसियामा १८ हजार ३०० र फिलिपिन्समा १७ हजार ९०० थपिएका छन्।
यसैगरी कोरोना संक्रमणबाट रसियामा ७ सय ८९, मेक्सिकोमा ७३०, ब्रजिलमा ७१८, इरानमा ४४५, मलेसियामा ३४१, इन्डोनेसियामा ३१५ तथा भारतमा ३०४ जनासहित पछिल्लो २४ घण्टामा ८ हजार ९१९ जनाको मृत्यु भएको छ। योसहित विश्वभर हालसम्म २२ करोड ४६ लाख जनामा कोरोना संक्रमण हुँदा ४६ लाख २९ हजार मानिसको मृत्यु भइसकेको छ भने २० करोड ११ लाखभन्दा बढी मानिस संक्रमणमुक्त भएका छन्।
