केडीसि जनरल हस्पिटलले पत्रकारलाई पिसिआर परीक्षण गर्दा ५० प्रतिशत छुट दिने
काठमाडौं, १६ जेठ । केडीसि जनरल हस्पिटलले पत्रकारलाई पिसिआर जाँच गराउँदा ५० प्रतिशत छुटको व्यवस्था गरेको छ ।
हस्पिटलले आजबाट लागू हुनेगरी यो सुविधा सुरु गरेको छ ।
हस्पिटलका प्रमुख डा.बुद्धिमान श्रेष्ठले पत्रकारहरुलाई आर्थिक भार नपरोस भन्दै पिसिआर परीक्षण गर्दा ५० प्रतिशत छुटको व्यवस्था गरिएको बताए ।
उनले यो सुविधा काठमाडौं उपत्यकासहित देशभरकै पत्रकारकालागि रहेको पनि बताए ।
उनका अनुसार पत्रकारले सूचना विभागको कार्ड नभएपनि आफू कार्यरत संस्थाको परिचय पत्र लिएर जादा छुट दिइनेछ ।
