नेशनल बाथरोग सेन्टरद्वारा बुटवलमा पनि सेवा विस्तार
काठमाडौं, ११ वैशाख । नेशनल बाथरोग सेन्टरले बुटवलमा आफ्नो सेवा विस्तार गरेको छ ।
सेन्टरले शुक्रवार एक कार्यक्रमकाबीच ग्लोरियस हेल्थ केयरसँग सहकार्य गर्दै पुष्पलाल चोकमा आफ्नो सेवा विस्तार गर्दै शाखाको उद्घाटन गरेको हो ।
सेन्टरका प्रबन्ध निर्देशक रोशन कक्षपतिले पश्चिम भेगका बाथरोगीहरुका लागि सहज पहुँच होस् भन्ने उदेश्यकले शाखा विस्तार गरी ओपिडी सेवा सुचारु गरिएको बताए ।
सेन्टरका बाथरोग विशेषज्ञ डा.विनित वैद्यले बाथरोगको उपचार काठमाडौंमा मात्रै नभई नेपालभर फैलाउने र बाथरोग सम्बन्धी दक्ष जनशक्तिको देशभर विकेन्द्रीकरण गर्ने उदेश्यका साथ सेवा विस्तार गरिएको बताए ।
यस्तै ग्लोरियस हेल्थ केयरका प्रबन्ध निर्देशक होम बहादुर पल्लीले सुलभ र गुणस्तरीय रुपमा शाखा सञ्चालन गरेर सेवाग्राहीलाई सेवा प्रदान गरिने प्रतिवद्धता जनाएका थिए ।
