बलिउड नायक अक्षय कुमार कोरोना संक्रमित
भारत, २२ चैत । भारतीय चलचित्र क्षेत्रका चर्चित नायक अक्षय कुमार कोरोना संक्रमित भएका छन् ।
पछिल्लो समय भारतमा बढ्दो कोरोना संक्रमणको दरसँगै बलिउडका कलाकार, गायक तथा संगितकारहरु पनि संक्रमित हुन थालेका छन् । यसै क्रममा बलिउडका चर्चिक नायक अक्षय कुमारमा पनि कोरोना भाइरसको संक्रमण पुष्टि भएको छ ।
उनले आफ्नो सामाजीक सञ्जाल इन्टाग्राममार्फत् आफू कोरोना संक्रमित भएको जानकारी गराएका छन् । उनले आज बिहान आएको पिसिआर रिपोर्टमा कोरोना पोजेटिभ देखिएको र आफू आइसोलेसनमा रहेको पनि बताएका छन् ।
उनले कोरोना संक्रमण पुष्टि हुनासाथ आफूलाई आइसोलेट गरेको र आवश्यक स्वास्थ्य सावधानी अपनाउँदै चिकित्सकहरुको सम्पर्कमा रहेको पनि उल्लेख गरेका छन् । साथै आफूसँग सम्पर्कमा आएकाहरुलाई सावधानी अपनाउन र पिसिआर जाँच गराउन पनि उनले आग्रह गरेका छन् ।
भारतमा हालै मात्रै बलिउड अभिनेत्री आलिया भट्ट, अभिनेता आमिर खान, कात्र्तिक आर्यन, परेश रावल, रणवीर कपुर, गायक तथा संगितकार बप्पी लहरीपनि कोरोना संक्रमित भइसकेका छन् ।
