गएको २४ घण्टामा भारतमा ६२ हजार ६ सय जनामा कोरोना संक्रमण
एजेन्सी, १५ चैत । पछिल्लो २४ घण्टामा भारतमा ६२ हजार ६ सय ३१ जनामा संक्रमण पुष्टि भएको छ।
यो संख्या वर्षकै धेरै रहेको बताइएको छ। यसअघि शनिबार ६२ हजार २ सय ९१ जनामा कोरोना संक्रमण पुष्टि भएको थियो। पछिल्लो वृद्धिसँगै संक्रमितको कुल संख्या १ करोड १९ लाख ७१ हजार ४ पुगेको बताइएको छ।
हालसम्म भारतमा १ करोड १३ लाख २१ हजार ५ सय ७८ जना सङ्क्रमणमुक्त भएको बताइएइको छ। भारतमा सक्रिय संक्रमितको संख्या ४ लाख ८७ हजार ८ सय ४० छ ।
यस्तै सङ्क्रमणबाट मृत्यु हुनेको संख्या १ लाख ६१ हजार ५ सय ८६ पुगेको छ । पछिल्लो २४ घण्टामा भारतमा थप ३ सय ११ जनाको मृत्यु भएको छ।
