एजेन्सी, ८ फागुन । विश्वभर कोरोना भाइरसका कारण संक्रमित हुनेको संख्या ११ करोड १२ लाख नाघेको छ ।

वर्ल्ड मिटरको तथ्यांक अनुसार गत २४ घन्टामा विश्वभर ३ लाख ९७ हजार ८ सय ६२ नयाँ संक्रमित थपिएका छन् । योसँगै विश्वभर कोरोना भाइरसका कारण संक्रमित हुनेको संख्या ११ करोड १२ लाख ३४ हजार ३ सय ६५ पुगेको छ । 

यस्तै गत २४ घन्टामा थप १० हजार ७ सय २६ जनाको कोरोन संक्रमणका कारण मृत्यु भएको छ । योसँगै विश्वभर कोरोनाका कारण मृत्यु हुनेको संख्या २४ लाख ६२ हजार ७ सय ३ पुगेको छ ।

यस्तै हालसम्म विश्वभर कोरोनाका कारण संक्रमित भएकामध्ये ८ करोड ६१ लाख ११ हजार ४ सय २८ जना स्वस्थ भएका छन् भने विश्वभर सक्रिय संक्रमितको संख्या २ करोड २६ लाख २८ हजार ९ सय १४ रहेको छ ।

Hamro Doctor