विश्वभर कोरोना सङ्क्रमितको सङ्ख्या ८ करोड नाघ्यो, १७ लाख ५६ हजारभन्दा बढीको मृत्यु
एजेन्सी, ११ पुस । विश्वभर कोरोना भाइरसका कारण सङ्क्रमित हुनेको सङ्ख्या ८ करोड नाघेको छ ।
वर्ल्ड मिटरको तथ्याङ्क अनुसार गत २४ घन्टामा विश्वभर थप ४ लाख ७० हजार ७ सय ९८ जनामा कोरोना भाइरसको सङ्क्रमण पुष्टि भएको छ । योसँगै विश्वभर कोरोनाका कारण सङ्क्रमित हुनेको सङ्ख्या ८ करोड १ लाख ९६ हजार ९ पुगेको छ ।
यस्तै गत २४ घन्टामा थप ८ हजार ३ स य ६४ जनाको कोरोनाका कारण मृत्यु भएको छ ।
वर्ल्ड मिटरको तथ्याङ्क अनुसार विश्वभर कोरोनाका कारण मृत्यु हुनेको सङ्ख्या १७ लाख ५६ हजार ९ सय ६७ पुगेको छ ।
हाल कोरोनाका कारण विश्वभर सक्रिय सङ्क्रमितको सङ्ख्या २ करोड १९ लाख ७८ हजार ३ सय १० रहेको छ ।
यस्तै हालसम्म कोरोनाका कारण विश्वभर सङ्क्रमित भएकामध्ये निको हुनेको सङ्ख्या ५ करोड ६४ लाख ६० हजार ७ सय ३२ पुगेको छ ।
Last modified on 2020-12-27 07:14:24
