बीबीसी, ४ मंसिर । अमेरिकामा कोरोना भाइरसका कारण ज्यान गुमाउनेको संख्या साढे दुई लाख नाघेको छ ।

अमेरिकामा अहिलेसम्म १ करोड १८ लाखभन्दा धेरैमा सङ्क्रमण पुष्टि भएको छ । सङ्क्रमणबाट २ लाख ५६ हजारभन्दा धेरैको ज्यान गएको वल्डओमिटरले जनाएको छ । अमेरिकामा फेरि एकपटक देशभरि नै गम्भीर रुपमा कोराना सङ्क्रमितको संख्या बढिरहेको छ ।

कोरोना भाइरसका कारण ज्यान गएकाको संख्या र सङ्क्रमणका आधारमा अमेरिका पहिलो स्थानमा छ । अमेरिकामा अहिले दैनिक सङ्क्रमितको नयाँ रेकर्ड भइरहेको छ । अमेरिकाका प्रमुख सङ्क्रामक रोग विशेषज्ञ डाक्टर एन्थोनी फाउचीले महत्वपूर्ण समयमा देश गलत दिशामा गइरहेको टिप्पणी गरेकाछन् । 

फाउचीले नयाँ सङ्क्रमण बढेसँगै मृतकको सङ्ख्या थपिन सक्ने चेतावनी दिएकाछन् ।  कोरोना भाइरसको केन्द्र रहेको न्यूयोर्क सहरले सङ्क्रमण बढ्ने अनुमानका साथ आजदेखि विद्यालयहरू बन्द गर्ने आदेश दिएको छ । 
 

Hamro Doctor