भारतमा कोरोना संक्रमितको संख्या ३२ लाखभन्दा बढी
भारत, १० भदौ । भारतमा कोरोना संक्रमितको संख्या ३२ लाख नाघेको छ ।
भारतीय स्वास्थ्य मन्त्रालयका अनुसार पछिल्लो २४ घन्टामा ६७ हजारभन्दा बढी नयाँ संक्रमित थपिएका छन् ।
भारतमा लगातार २७ औं दिन ५० हजारभन्दा बढीमा कोरोना संक्रमण पुष्टि भएको हो । योसँगै भारतमा कोरोना संक्रमितको संख्या ३२ लाख ३५ हजार ७ सय २५ पुगेको छ ।
यस्तै पछिल्लो २४ घन्टामा एक हजार ५९ जनाको कोरोना संक्रमणका कारण मृत्यु भएको छ । योसँगै भारतमा कोरोना संक्रमणका कारण मृत्यु हुनेको संख्या ५९ हजार ६ सय ३२ पुगेको छ ।
