काठमाडौं, २९ फाल्गुन । गत डिसेम्बरमा चीनको वुहानबाट फैलिएको कोभिड–१९ अर्थात् नोवेल कोरोनाभाइरसलाई विश्व स्वास्थ्य संगठनले महामारी घोषणा गरेको छ । 

चीनबाट सुरु भएको कोरोनाभाइरसको संक्रमण हालसम्म विश्वका १ सय १८ वटा मुलुकमा फैलि सकेको छ । भाइरसका कारण अहिलेसम्म १ लाख १८ हजार नागरिक विश्भर संक्रमित भएका छन् भने ४ हजार २ सय भन्दा बढीको मृत्यु भइसकेको छ ।

महामारी बनेको सकेको कोरोना भाइरसका कारण विश्वभर नै त्रास फैलिएको छ । जसको प्रत्यक्ष र अप्रत्यक्ष असर विश्क अर्थतन्त्र, स्वास्थ्य, खाद्यान्न लगायतका क्षेत्रमा पनि परेको छ । 

विश्व स्वास्थ्य संगठनले महामारी बनिसकेको कोरोना भाइरसबाट जोगिनका लागि अहिलेसम्म कुनै औषधि वा खोपको विकास हुन नसकेको तर, अनुसन्धान भने जारी गरेको बताउँछ । 

चीनपछि अहिले युरोपियन मुलुक इटलीमा कोरोनाको संक्रमण उच्च र तीव्र गतिमा फैलिदै गएको छ । भाइरसका कारण इटलीमा अहिलेसम्म ६ सय ३१ जनाको मृत्यु भइसकेको छ भने इरानमा २ सय ९१ जनाको मृत्यु भएको छ । 

एसियन महाद्वीपपछि कोरोना भाइरस अहिले पश्चिमी महाद्वीपमा फैलिँदै गएको छ । जसका कारण अमेरिका, फ्रान्स, जर्मनी लगायतका मुलुकले आफ्ना नाकाहरु बन्द गर्न थालेका छन् । 

विश्वभर कोरोनाभाइरसको अवस्थाको तथ्यांक अहिले कस्तो छ :
अस्ट्रेलियामा १ सय २६  जनामा कोरोना भाइरसको संक्रमण पुष्टि भएको छ भने भाइरसका कारण ३ जनाको मृत्यु भएको त्यहाँको स्वास्थ्य मन्त्रालयले जनाएको छ । मन्त्रालयले यो भाइरसबाट पर्ने प्रभाव नियन्त्रण गर्न झन्डै १७ करोड ६३ लाख रकम विनियोजन गरेको छ ।

दक्षिण कोरियामा थप १ सय ४४ जना नयाँ बिरामीमा कोरोना भाइरसको संक्रमण पुष्टि भएको छ भने थप ६ जनाको मृत्यु भएको छ । यो सँगै दक्षिण कोरियामा मृत्यु हुनेको संख्यापनि ६६ पुगेको छ । 

संयुक्त राज्य अमेरिकामा भने कोरोना भाइरसका कारण अहिलेसम्म १ हजार २ सयभन्दा बढी संक्रमित भएका छन् । भाइरसका कारण मृत्यु हुनेको संख्या ३७ पुगेको छ ।

इटलीमा आर्थिक संकट देखिनुका साथै त्यहाँ औषधि, खाद्यान्न लगायतका सामग्रीको हाहाकार मच्चिएको छ । इटलीका पसल, बजार बन्द छन् भने सबै नागरिकलाई घर भित्रै बस्न निर्देशन जारी गरिएको छ । 

यसैबीच, हलिउडका चर्चित नायक टम ह्यांक्स र उनकी श्रीमति रिटा विल्सनपनि कोरोनाबाट संक्रमित भएका छन् । उनीहरुले आफ्नो सामाजीक संजाल इन्स्टाग्राम मार्फत् यो विषयमा जानकारी गराएका छन्  । 

Hamro Doctor