महेन्द्रनगर (धनुषा), १८ साउन । स्वास्थ्यमन्त्री गिरिराजमणि पोखरेलले जनकपुर अञ्चल अस्पतालको अनुगमन गरेका छन् । 

अनुगमनका क्रममा अस्पतालमा उपचार गराउन पुगेका सेवाग्राहीले अस्पतालका चिकित्सकको लापरबाही तथा बिरामीसँग गरिने नराम्रो व्यवहारबारे मन्त्री पोखरेललाई गुनासो व्यक्त गरेका थिए । 

सेवाग्राहीको गुनासो सुनेपछि मन्त्री पोखरेलले चाँडै नै स्वास्थ्य मन्त्रालयबाट एक विशेषज्ञ टोली पठाएर अञ्चल अस्पतालको वास्तविक अवस्था बुझ्ने र दोषीलाई कारवाही गर्ने आश्वासन दिए । 

अञ्चल अस्पतालका मेडिकल सुपरिटेन्डेन्ट डा रामपरीक्षण यादवको आफ्नै निजी अस्पताल सञ्चालनमा रहेको बारे पनि सर्वसाधारणले मन्त्री पोखरेललाई जानकारी गराएका थिए । मन्त्री पोखरेलले पनि अवैद्यानिक रुपमा सञ्चालित अस्पताल, नर्सिङ होम र स्वास्थ्य संस्थालाई कार्वाही गरिने प्रतिबद्धता स्थानीयवासीसामु व्यक्त गरे । 

रासस
 

Hamro Doctor