काठमाडौं, ९ साउन । शाइलकुमार उपाध्याय र करेन बास ट्रष्टले वीर अस्पतालमा उपचाररत क्यान्सरका बिरामीलाई सहयोग गर्ने उदेश्यले ३५ लाख रुपैयाँको कोष स्थापना गरेको छ । ट्रष्टद्वारा स्थापित कोषबाट वीर अस्पताल र ट्रमा सेन्टरमा उपचाररत क्यान्सरका बिरामीलाई केमोथेरापी र औषधि बितरण गरिनेछ । शाइलकुमार उपाध्याय र केरन बास ट्रष्टले कोषबापतको रकम आज वीर अस्पताल र नेशनल ट्रमा सेन्टरलाई हस्तान्तरण गरेको छ ।  पूर्व स्वास्थ्यमन्त्री गगन थापाको आतिथ्यमा रकम हस्तान्तरण गरिएको थियो । सो अवसरका पूर्वस्वास्थ्य मन्त्री थापाले नेपालका सरकारी अस्पतालले उत्कृष्ठ सेवा दिनुपर्ने जोड दिए । सरकारी अस्पतालले उपचारका लागि विदेश जाने प्रवृति अन्त गर्नु पर्ने उनले बताए । 
करेन बास ट्रष्टकी अध्यक्ष विदुषी राणाले काका शाइलकुमार उपाध्याय र काकी करेन बासप्रति समर्पित गर्दै ट्रष्टको स्थापना गरेको बताइन । उनको काकीको मृत्यु क्यान्सरबाट भएको र त्यसैको चिन्ताले काकाको पनि सात महिनापछि मृत्यु भएको थियो । ट्रष्टको सहयोगबाट कुनै एक जनाको जीवन रक्षा भएमा आफ्ना काकाकाकीको आत्माले शान्ति पाउने अध्यक्ष राणाले बताइन । 

Hamro Doctor