कञ्चनपुर, २७ जेठ । शुक्लाफाँटा नगरपालिका– १० का छ जनालाई बौलाहा कुकुरले टोकेर घाइते बनाएको छ । 

झलारी बजार भएर जाँदै गरेका भूपेन्द्र महरा, खगी ऐर, शान्ति ऐर, आरती अवस्थी, ममता ऐर, डम्बरा देवी ऐरलगायत छ जना घाइते भएका हुन् । घाइते सबैको झलारीस्थित निजी मेडिकलमा उपचार भइरहे पनि रेविजविरुद्धको खोप लगाउन पाएका छैनन् । डम्बरा देवी र आरतीलाई कुकुरले बढी घाइते बनाएको छ । नल्कामा पानी पिउनका लागि जाँदै गर्दा एकाएक कुकुरले टोकेर घाइते बनाएको डम्बरा देवी ऐरले बताइन्। 

घाइते अधिकांशको आर्थिक अवस्था कमजोर रहेकाले निःशुल्क उपचारका लागि पीडितले याचना गरेका छन् । रासस 

Hamro Doctor