भारतीय बलिवुड अभिनेत्री रिमा लागूको निधन भएको छ ।

हृदयघातका कारण अस्पतालमा उपचाररत लागूको आज विहान निधन भएको उनको पारिवारीक स्रोतले जनाएको छ ।

बुधवार राति अचानक छाती दुखेर बेहोस भएपछि उनलाई मुम्बईस्थित कोकिलाबेन धिरुभाई अम्बानी अस्पताल भर्ना गराईको थियो र उपचार कै क्रममा आज उनको निधन भएको हो । भारतीय सानो पर्दाबाट आफ्नो कला जीवन सुरु गरेकी लागूलाई सबैले निकै नै माया गर्ने र सफल आमाको रुपमा चिन्ने गरेका थिए ।

उनले भारतीय विभिन्न टिभि र बलिवुडका विभिन्न चलचित्रमा काम गरिसकेकी थिइन् ।

यसैबीच, भारतीय राज्यसभाका सांसद एवं केन्द्रीय पर्यावरण राज्यमन्त्री अनिल माधव देवको पनि हृदयघातका कारण निधन भएको छ । दिल्लीस्थित एम्स अस्पतालमा उपचार गराइरहेका मन्त्री देवको आज विहान निधन भएको हो ।

Hamro Doctor