काठमाण्डौं । सानो असावधानी र जनचेतनाको अभावले नेपालमा वर्षेनी धेरै बच्चाहरुको मृत्यु हुने गरेको छ । त्यसमध्ये निमोनिया पनि एक हो । अधिकांश बच्चामा निमोनियाको संक्रमण भएको पाइन्छ । बच्चामा निमोनिया किन हुन्छ र यसबाट कसरी जोगाउने वरिष्ठ बालरोग विशेषज्ञ डाक्टर मीनराज पाठकको सुझाब :

बाल्यकाल भनेको संवेदनशील समय हो । थोरै प्रतिकुल वातावरण हुँदा रोग लागि हाल्छ । बच्चाहरुमा निमोनिया हुने संभावना पनि अधिक रहन्छ ।

छातीमा दाँया र बाँया भागमा फोक्सो रहेको हुन्छ । फोक्सोमा च्भकउष्चबतयचथ क्थलअथतष्ब िखष्चगक, ब्मभलय खष्चगक, च्जष्लय खष्चगक, क्ष्लागिभलशब, एबचब ष्लागिभलशब खष्चगक लगाएतको संक्रमण हुँदा बच्चाहरुमा निमोनिया हुन्छ ।

बच्चामा दम, फोक्सोमा एलर्जी हुँदा पनि निमोनिया भए जस्तै लक्षणहरु देखन्छ ।

बच्चामा निमोनियाका लक्षण :

• ज्वरो आउनु ।
• कोखा हान्नु ।
• खोकी लाग्नु ।
• श्वास प्रश्वासमा समस्या हुनु ।
• श्वास प्रश्वासको गति छिटो छिटो हुने ।
• कहिलेकाहीँ खकारमा रगत देखिने ।
• ओठ र जिब्रो निलो देखिने ।

निमोनियाबाट बचाउने उपाय :

• बच्चाको सरसफाईमा ध्यान दिने ।
• रुघा खोकी लागेका व्यक्तिबाट बच्चालाई टाढा राख्ने ।
• चुरोट तथा धुलो धुँवाबाट जोगाउने ।
• स्वस्थ र सफा खाना खुवाउने ।
• प्रयाप्त झोलिलो र पोषिलो खाना खुवाउने ।
• आमाको बेगोती दुध खुवाउनुको साथै ६ महिनासम्म नियमित स्थानपान गराउने ।
• निमोनिया बिरुद्धका खोपहरु लगाउने ।
• कम्तिमा पनि ६ महिनामा स्वास्थ परीक्षण गराउने ।
• कुनै पनि समस्या देखिए अनुमानको आधारमा औषधि सेवन नगराउने । विशेषज्ञ चिकित्सकको सल्लाहा बमोजिक औषधि सेवन गराउने ।

समयमा नै उपचार नभए यस्तो जोखिम :
फोक्सोको वरीपरी पानी, पिप, हावा भरिने संभावना रहन्छ । जसले बच्चामा जुनसुकै बेला जटिल स्वास्थ्य समस्या आउन सक्ने संभावना रहन्छ । 

भिडियो हेर्नुस् ।

Hamro Doctor