काठमाडौं, २१ चैत । विभिन्न राजनीतिक दलका नेताहरुलाई उपचारका नाममा लाखौं रुपैया बाँड्ने स्वास्थ्य मन्त्रालयले मन्त्रालयकै खानेपानीको बील भने तिरेको छैन । 

स्वास्थ्य मन्त्रालयले काठमाण्डौं उपत्यका खानेपानी लिमिटेडलाई तीन करोड ३४ लाख रुपैया पानीको महसुल तिर्न बाँकी रहेको छ । खानेपानी लिमिटेडले पटक पटक ताकेता गर्दा पनि मन्त्रालयले खानेपानीको महशुल तिरेको छैन । 

स्वास्थ्य मन्त्रालय लगायत अन्य मन्त्रालय सहित केन्द्रीय निकाय र सरकारी सार्वजनिक संस्थानले खानेपानी उपभोग गरेबापत् काठमाडौँ उपत्यका खानेपानी लिमिटेडलाई ४३ करोड महसुल तिर्न बाँकी छ ।

Hamro Doctor