इलाम, १७ चैत । इलामको फाकफोकथुम गाउँपालिका–२ साबिक फाकफोक गाविसका एक समाजसेवीले आफ्ना बुबाको सम्झनामा स्वास्थ्य चौकीलाई लाखौँ मूल्य पर्ने जग्गा दान दिएका छन् । 
फाकफोकथुम–२ का खगेन्द्रप्रसाद चौहानले आफ्नो स्वर्गीय बुबाको सम्झनामा स्वास्थ्य चौकीलाई १५ लाख रुपैयाँ मूल्य पर्ने पाँच रोपनी जग्गा दान दिएका हुन् । 

स्वास्थ्य चौकीमा बर्थिङ सेन्टरसहितको भवन निर्माणका लागि चौहानले जग्गा दान दिएर पाससमेत गरिदिइसकेको स्वास्थ्य चौकीका लालबाबु यादवले बताए । उक्त जग्गामा नयाँ आर्थिक वर्षदेखि भवन निर्माण कार्यको प्रक्रिया अघि बढाइने स्वास्थ्य चौकीले जनाएको छ । रासस 

Hamro Doctor