काठमाण्डौं २२,  फागुन ।  नेकपा माओवादी केन्द्रका सचिव तथा पूर्व अर्थमन्त्री वर्षमान पुन निको भएर अस्पतालबाट डिस्चार्ज भएका छन् । उनको थाइल्याण्डको बैंककमा रहेको समितिभेज अस्पतालमा उपचार भइरहेको थियो ।

पुनकी श्रीमती तथा सभामुख ओनसरी घर्तीले पुनको स्वाथ्यमा सुधार भएकाले अस्पतालले डिस्चार्ज गरिदिएको र बिहीबार नेपाल फर्कने ट्वीटमार्फत जानकारी दिएकी हुन् । भाइरल ज्वरो निको नभएका कारण ग्राण्डी अस्पतालले पुनलाई थाइल्याण्डमै लैजान सुझाव दिएको थियो । यसअघि पोहोर माघमा जण्डिसबाट प्रभावित पुनको थाइल्याण्डमा नै उपचार गरिएको थियो । 

Hamro Doctor