काठमाण्डौ, १४ पुस । भारतका विभिन्न शहरका जागिर लगाइदिने प्रलोभनमा पारी मिर्गौला तस्करीमा सक्रिय तीनजनाको गिरोहलाई प्रहरीले पक्राउ गरेको छ ।

प्रहरीको अपराध महाशाखाले उनीहरुलाई कास्कीबाट पक्राउ गरि आज सार्वजानिक गरेको छ । पक्राउ पर्नेमा विकास भनिने बिनुबहादुर तिमिल्सिना, प्रकाश बस्नेत र भीमप्रसाद न्यौपाने रहेका छन् । उनीहरुले नेपालबाट सोझासाझा युवालाई जागिर लगाइदिने बहानामा भारतमा लगी बेहोस बनाएर मिर्गौला झिकेर बेच्ने गरेको पाइएको प्रहरीले जनाएको छ ।

झुक्याएर मिर्गौला झिकिएका दीपक नेपाली घाउको डोब देखाउँदै

उनीहरुले भारतमा लगेर बेहोस बनाउने खानेकुरा खान दिने र मिर्गौला झिकिसकेपछि दुर्घटना भएको बताएर उपचार गराएर नेपाल फर्काइदिने गरेको पाइएको छ ।  

Hamro Doctor