स्वास्थ्य रहनका लागि हामी विभिन्न तरकारीको सेवन गर्ने गर्छौ । हामीले सेवन गर्ने तरकारीमध्ये भिडे खुर्सानी पनि एक हो । भिडे खुर्सानीको सेवन हामीले स्वादका लागि खाने गरे पनि त्यसले हाम्रो स्वास्थ्यलाई भने कतिको फाइदा पुर्याउँछ भन्नेबारे हामीलाई थाहा नहुन नि सक्छ । रातो, हरियो र पहेँलो रंगमा पाइँने भिडे खुर्सानी स्वास्थ्यको लागि धेरै नै फाइदाजनक हुन्छ । भिटामिन सी ले भरिपूर्ण भिडे खुर्सानी, भिटामिन ए र बीटा–क्यारोटीनको प्रमुख स्रोत हो ।

मुख्य रूपले तरकारी, चाईनिज फूड र गार्निशिंगको प्रयोग गरिने भिडे खुर्सानी सलादको रुपमा पनि प्रयोग गर्न सकिन्छ । भिडे खुर्सानीमा क्यालोरी एकदमै नगन्य मात्रामा हुन्छ , जसले कोलेस्ट्रोललाई बढ्न दिदैँन ।

भिडे खुर्सानीको फाइदाहरु ः

१. मेटाबोलिज्म बढाउनमा मद्दत गर्छ

यदी तपाई आफ्नो तौल घटाउने सोचमा हुनुहुन्छ भने भिडे खुर्सानी बढी लाभदायक हुन्छ । यसमा क्यालोरी नगन्य मात्रामा हुन्छ जसले तपाईको तौल घटाउनमा मद्दत गर्छ । यसले मेटाबोलिज्मको प्रक्रियालाई सक्रिय बनाउँछ । 

२. एन्टी अक्सीडेन्ट गुण

भिटामिन ए र सी ले भरिपूर्ण भिडे खुर्सानी एन्टी अक्सीडेन्ट्सको राम्रो माध्यम हो । साथै मुटु सँग सम्बन्धित रोगहरु, अस्थमा र मोतिबिन्दुबाट पनि बचाउनमा मद्दत गर्छ ।

३. क्यान्सरबाट बचाउँछ 

भिडे खुर्सानीले क्यान्सरको कोषहरुलाई विकसित हुन दिदैँन । भिडे खुर्सानीको प्रयोग दिनहुँ कुनै न कुनै रुपले गर्नुपर्छ । भिडे खुर्सानीको सेवनले क्यान्सर हुने सम्भावना निकै कम हुन्छ ।

४. दुखाईमा राहत 

भिडे खुर्सानीमा यस्तो तत्व पाइन्छ जसले छालाको दुखाईलाई स्पाइनल कोड सम्म जान दिदैँन । साथै यसमा पाइने तत्व प्राकृतिक पेनकिलर समान काम गर्छ ।

५. इम्यूनिटी बढ़ाउनमा मद्दत गर्छ 

भिटामिन सी ले भरिपूर्ण भिडे खुर्सानीले संक्रामक रोगहरुसँग लड्नमा मद्दत गर्छ । रोग–प्रतिरोधात्मक क्षमतालाई यसले बढाउनमा पनि मद्दत गर्छ । फोक्सोको इनफेक्शन, अस्थमा रोगमा यसको नियमित सेवनले फाइदा पुग्छ ।

(एजेन्सीको सहयोगमा)

Hamro Doctor