काठमाण्डौ, २१ मंसिर । निजी मेडिकल कलेजहरुको संगठन एशोसियसन आफ प्राइभेट मेडिकल एण्ड डेन्टल कलेजले सरकार र चिकित्स्क गोविन्द केसीबीच भएको सम्झौतामा असन्तुष्टि जनाएको छ ।

मुख्यगरी केसी र सरकारबीच भएको मेडिकल शिक्षाको शुल्क निर्धारणमा एशोसियसनले विज्ञप्ति निकालेर विरोध जनाएको हो । शुल्क निर्धारणजस्तो विषयमा नियमक निकाय, प्रतिष्ठान एवं सरोकारवालाबीच छलफलमाफर्त निर्णय गर्नुपर्ने भन्दै एशोशियसनले एकजना व्यक्तिको हठका पछाडी सरकार लाग्नु गलत भएको दावी गरेको छ ।

माथेमा प्रतिवेदनले सुझाएको शुल्क लागू गर्न नसक्ने अवगत गराइसके भन्दै गतसाल डा. शिवकुमार राईको नेतृत्वमा बनेको समितिले पेश गरेको प्रतिवेदन अनुसारको शुल्क लागू गराउन एशोशियसनले सरकारसँग माग गरेको छ ।

यस्तो छ विज्ञप्ति।

Hamro Doctor