काठमाण्डौ, १८ मंसिर । चिकित्सा शिक्षा सुधारका लागि भन्दै विभिन्न नौं सुत्रीय माग सहित २१ दिनदेखि आमरण अनशनरत प्राध्यापक डा. गोविन्द केसीको समर्थनमा राजधानीमा प्रदर्शन गरिएको छ । 

केसीको माग पूरा गराउन दवाव दिने उद्देश्यले भएको प्रदर्शनमा स्वस्फूर्त रुपमा सयौ मानिस सहभागी भएका थिए ।

प्रदर्शनमा चिकित्सक, मेडिकल साइन्सका विद्यार्थी, सर्वसाधारण, कलाकार लगायत सहभागी थिए । साथै, उक्त र्यालीमा पूर्व प्रधानमन्त्री तथा नयाँ शक्तिका संयोजक बाबुराम भट्टराई र हिसिला यामी पनि पुगेका थिए ।

 माइतीघरमा जम्मा भएका केसीका समर्थकको लस्कर बानेश्वरसम्म पुगेको थियो । माइतिघरबाट सुरु भएको र्याली बानेश्वर चोकमा गएर सभामा परिणत भएको थियो । 
केसी पक्ष र सरकारबीच सिंहदरवारमा निर्णायक वार्ता चलिरहँदा बानेश्वरमा जम्मा भएकाहरुले त्रिवि उपकुलपति विरुद्ध भने चर्को नाराबाजी गरेका थिए ।

Hamro Doctor