काठमाण्डौ, १७ मंसिर । नेपाल आर्थ्रोस्कोपि संघले काठमाडौंमा पहिलोपटक  ‘आसोनकन २०१६’ आयोजना गर्ने भएको छ । 

सम्मेलनले नेपालका आर्थोपेडिक सर्जनलाई बिभिन्न देशबाट आएका बिशिष्ट अर्थोपेडिक सर्जनहरुबाट अनुभब,ज्ञान र सीप सिक्ने अवसर प्रदान गर्नुकासाथै नेपालका अर्थोपेडिक सर्जनहरुको अनुभव,ज्ञान,सीप र दक्षता बिश्व सामु चिनाउने अबसर प्रदान गर्ने आयोजकको दावी छ । यही डिसेम्बर महिनाको चार देखी छ तारिखसम्म काडमाडौंको होटल सोल्टी क्राउन प्लाजामा संचालन हुने तिनदिने सम्मेलनमा नेपाल लगायत अमेरिका,फ्रान्स,इटली,टर्की,स्पेन,स्लोभानिया,जापान,फिलिपिन्स,थाइल्याण्ड,भारत,बङ्गलादेश लगायतका बिभिन्न ११ देशका ३०० जना भन्दा बढी बिशिष्ट तथा ख्यातिप्राप्त आर्थ्रोस्कोपिक सर्जनहरुको सहभागिता रहने बताइएको छ ।

सम्मेलनले (स्पोर्ट्स मेडिसिन) खेलकुदका समयमा हुने चोटपटकहरुको उपचारका क्षेत्रमा उल्लेख्य सुधार आउने र नेपालको स्पोर्ट्स मेडिसिनका क्षेत्रमा नयाँ आयाम थपिने नेपाल आर्थ्रोस्कोपि संघका अध्यक्ष डा. चक्रराज पाण्डेले बताए । आसोन–कन २०१६ सम्मेलनमा सहभागि हुन चाहने देशभरका अर्थोपेडिक सर्जनहरुले नाम दर्ता गराउनका लागि नेपाल आर्थ्रोस्कोपि संघको आधिकारीक वेभसाइट www.arthroscopynepal.com मा फाराम उपलब्ध  रहेको समेत जनाइएको छ ।

Hamro Doctor