काठमाण्डौ, ८ मंसिर । त्रिवि उपकुलपतिलाई बर्खास्त गर्नुपर्ने लगायत माग गर्दै अनशनरत डा. गोविन्द केसीका समर्थकले कीर्तिपुरस्थित त्रि.वि उपकुलपतिको कार्यालय घेराउ गरेका छन् ।

सोलिडारिटी फर डा. केसी अलायन्सले आईओएमका नवनियुक्त डीन डा. केपी सिंह तथा त्रि.वि.उपकुलपति तीर्थ खनियाँलाई पदबाट बर्खास्त गर्नु पर्ने माग राख्दै धर्ना दिएको हो ।

घेराउमा त्रिवि चिकित्साशास्त्र अध्ययन संस्थानका विद्यार्थी, आवासीय चिकित्सकहरु सहभागी थिए । खनियाँ र सिंहलाई कारबाही गर्नु पर्ने लगायतका माग राख्दै डा. केसी ११ दिनदेखि अनसनमा छन् । केसीको माग सम्बोधनमा तत्काल सरकारले चासो नदेखाए आन्दोलन कडा पार्ने एलायन्सले चेतावनी दिएको छ ।

Hamro Doctor