काठमाडौँ, १३ कात्तिक । प्रधानमन्त्री पुष्पकमल दाहालले सिरहामा  ट्रमा सेन्टर निर्माण गर्न आफूले पहल गर्ने बताएका छन् । 
शनिवार बिहान आफु निर्वाचित भएको सिरहा क्षेत्र– ५ को एक प्रतिनिधि मण्डलको ज्ञापनपत्र बुझ्दै प्रधानमन्त्री दाहालले सिरहाको विकासमा आफूले सक्दो पहल गर्ने उनले बताएको प्रधानमन्त्रीको सचिवालयले जनाएको छ । 
उनले सिरहा जिल्लाकै विकास निर्माणका लागि आफूले विभिन्न योजना अघि सारेको बताउँदै सिरहा, सप्तरी, उदयपुरलगायतका जिल्लालाई पायक पर्ने गरी एक विमानस्थलको निर्माणमा पनि पहल गर्ने बताए ।  
प्रधानमन्त्रीका प्रेस सल्लाहकार गोविन्द आचार्यका अनुसार प्रतिनिधिमण्डलसँग पूर्व – पश्चिम राजमार्गमा अत्याधुनिक सुविधासहित ट्रमा सेन्टर स्थापना गर्न पहल गर्ने विश्वास दिलाएका थिए ।  रासस 

Hamro Doctor