काठमाडौं,८ असोज। स्वास्थ्यमन्त्री गगन थापाले मृत्यु पर्खेर बसेकी एक जुम्ली युवतीसँग भेट गर्ने भएका छन् ।

विपी क्यान्सर अस्पताल भक्तपुरका चिकित्सकले क्यान्सर रोग लागेकी उनलाई थप उपचारबाट  रोग निको नहुने बताएपछि शाहीले स्वास्थ्यमन्त्रीलाई भेट्ने चाहना व्यक्त गरेकी थिइन् ।  जुम्लाकी सन्ध्या शाहीले स्वास्थ्यमन्त्रीलाई भेट्ने आफ्नो अन्तिम चाहना रहेको भन्दै पत्र लेखेकी थिइन् । उनको पत्र पाएपछि मन्त्री थापा शाहीलाई भेट्न उनकै निवासमा जान लागेका हुन् । 
 
स्वास्थ्य मन्त्री थापाले आइतबार साँझ ४ बजे सन्ध्यालाई उनकै डेरामा पुगेर भेट गर्ने बताएका छन् ।  सन्ध्याले थापालाई पत्र लेख्दै आफू मर्नुभन्दा अगाडि सरकारी अस्पतालमा आफूले भोगेकापीडालाई मन्त्रीसामु राखेर मात्रै मर्न चाहेको बताएकी थिईन् । 
 
 

Hamro Doctor