बिरामीको शरीरमा छिराएर रोगको उपचार गर्ने प्रक्रिया इन्टरभेन्सनल रेडियोलोजीबारे जानौं
भिडियोसहित
रेडियोलोजिकल उपकरणहरूबाट सुक्ष्म तरिकाले छालामा सानो प्वाल बनाएर औजारहरू बिरामीको शरीरमा छिराएर रोगको उपचार गर्ने प्रक्रियालाई इन्टरभेन्सनल रेडियोलोजी भनिन्छ । योसँगै शल्यक्रिया गर्दा कुनै चिरफार नगरी सुक्ष्म प्वालबाट कुनै औजार शरीरभित्र प्रवेश गराउने विधिलाई नै इन्टरभेन्सनल रेडियोलोजी भनिन्छ ।
यो विधिबाट उपचार गर्दा कुनै एउटा मेशिनको साहायतामा कुनै औजार बिरामीको शरीरमा छिराउने र शरीरको कुनै पनि अङ्गमा लागेको रोगको छेउमा पुग्ने प्रयत्न गरिन्छ ।
यसको उपचार गर्ने आफ्नै तरीकाहरू हुन्छन् । जस्तै कुनै सानो निडलहरूको सायताबाट कुनै रेडियोलाजी मेशिनहरूको गाइडमा बिरामीको शरीरमा सिधै प्रवेश गरिन्छ भने त्यो एक किसिमको इन्टरभेन्सनल रेडियोलोजी हो ।
अर्को भास्कुलर इन्ट्ररभेन्सनल रेडियोलोजी हुन्छ । जसमा हाम्रो शरीरको कुनै पनि अङ्गमा रगत पठाउने नलीको साहायतामा औजारहरू छिराएर रोगको नजिक पुग्ने र त्यसको उपचार गर्ने गरिन्छ ।
भास्कुलर इन्टरभेन्सनल रेडियोलोजीको साहायताबाट उपचार गर्दा धेरै फाइदा हुने गर्दछ । यसमा बिरामीको चिरफार नगर्ने हुँदा बिरामीको चाडै निको हुने गर्दछन् । अर्को सानो भन्दा सानो प्वालबाट उपचार हुने हुँदा बिरामीहरूको ठुलो घाउँ नहुनाले इन्फेक्सन हुने सम्भावना कम हुन्छ ।
सानो, सामान्य खालको इन्टरभेन्सनल रेडियोलोजी उपचार गरेको दिनमा नै घर जान सक्छन् भने कुनै एक दुई दिनमा नै ठिक भएर जाने खालको पनि हुन्छन् ।
यो उपचार विधि विश्वमा नै नयाँ खालको छ । उपचारमा आवश्यक पर्ने उपकरणहरू महँगो हुने हुँदा यसको उपचारमा अलि धेरै खर्च लाग्ने हुन्छ । हामीले एउटा तार खुट्टाबाट हाले मस्तिस्कसम्म पुर्याएर उपचार गर्ने गरिन्छ । त्यो हिसाबले पनि यो उपचार विधि अलि महगो छ । अन्य देशको तुलनामा भने नेपालमा यस विधिबाट गरिने उपचार कमै हुन्छ ।
भास्कुलर इन्टरभेन्सनल रेडियोलोजीमा हामीले रगतको नलीको साहायतामा उपचार गर्ने गर्दछौं । नेपालका लागि भास्कुलर इन्ट्ररभेन्सनल रेडियोलोजी नयाँ हो । नेपालमा केही अस्पतालहरूले मात्र यसको सेवा दिइरहेका छन् ।
भास्कुलर इन्टरभेन्सनल रेडियोलोजी दुई अवस्थामा गर्ने गरिन्छ । एउटा रगतको नली बन्द हुने अथवा साघुरो भएमा रगतको नली खुलाउनका लागि भास्कुलर इन्टरभेन्सनल रेडियोलोजी गर्ने गरिन्छ । अर्को यदि रक्तनलीको एउटा भाग च्यातिएर धेरै रक्तश्राव हुने रोगहरू भएमा यसको प्रयोग गर्ने गरिन्छ ।
विशेषतः मष्तिकघात भएका व्यक्तिहरू यदि समयमा नै अस्पताल पुगेका छन् र त्यहाँ भास्कुलर इन्टरभेन्सनल रेडियोलोजिबाट उपचार गरिन्छ भने उनीहरूलाई प्यारालाइसीसबाट जोगाउन सकिन्छ । त्यस्तै रक्तनलीको भित्ताहरू फुटेर बढी रक्तश्राव भएमा पनि यो विधिबाट उपचार गर्न सकिन्छ ।
