यस्ता छन् मधुमेहबाट हुने जोखिम
मधुमेह एक प्रकारको दीर्घ रोग हो । यो रोग जसलाई र जुनसुकै उमेर समूहका मानिसमा हुन्छ । साधारण भाषामा बुझ्नु पर्दा रगतमा चिनीको मात्रा अर्थात सुगर बढी भएपछि देखिने रोगलाई मधुमेह अर्थात डायविटिज भनिन्छ । यो समयमा उपचार भएन भने विभिन्न जटिलता आउछ । मधुमेह तथा थाइराइड रोग विशेषज्ञ डा. बजरङ कुमार रौनियारको भनाइ यस्तो छ ।
कारण
मधुमेह विभिन्न प्रकारका हुन्छन्, सबैभन्दा बढी 'प्रकार २' मधुमेहमा इन्सुलिनको उत्पादन पर्याप्त मात्रामा हुँदैन र इन्सुलिनले उचित मात्रामा काम पनि गर्न सक्दैन । यसलाई इन्सुलिनमा निर्भर नरहने मधुमेह पनि भनिन्छ । यो मधुमेह नेपालमा सबैभन्दा बढी देखिएको छ । यो करीब ९० प्रतिशत मधुमेह रोगीमा पाइन्छ । यो चाहि जीवनशैली बताउने रोग हो ।
मधुमेहमा कस्ता लक्षण आउछन्
- ५० प्रतिशत बिरामीमा मधुमेह भएपछि पनि कुनै लक्षण हुदैन बाकीँ ५० प्रतिशतमा निम्न लक्षण छन ।
- तिर्खा बढी लाग्ने ।
- घाउहरु छिटो निको नहुने ।
- पिसाब बढी लाग्ने ।
- भोक बढी लाग्ने ।
- थकाइ बढी लाग्ने ।
- तौल घट्दै जाने ।
- हातखुट्टा झम्झमाउने ।
- आँखामा समस्या आउने।
जोखिम
यो दीर्घ रोग पनि हो त्यसैले निम्न जोखिम हुन्छ ।
- मधुमेह भएपछि हर्ट अट्याक हुने सम्भावना ४ गुण बढी हुन्छ ।
- किट्नीमा असर भई किट्नी ड्यामेज हुने सम्भावना हुन्छ ।
- आँखामा असर गर्ने हुन्छ ।
- प्यारालाईसिस हुने सम्भावना ४ गुण बढी हुन्छ ।
ध्यान दिनु पर्ने कुरा
- मधुमेहवारे जचेतना र ज्ञान हुन पर्छ ।
- सुगरको जाँच गराउने ।
- सुगर भएपछि सुगरलाई कन्ट्रोल गर्नुपर्छ ।
- जीवनशैलीमा परिवर्तन गर्नुपर्छ ।
- औषधि नियमित सेवन गर्ने ।
- रेगुलर जाँच गराउनु पर्छ ।
उपचार
यस्ता लक्षणहरु भएको ब्यक्तिलाई तुरुन्त अस्पताल लैजानैपर्छ । जीवनशैलीमा नै परिवर्तन गर्ने, खानेकुरा मिलाएर खानुपर्छ ।
- सुगरको औषधि डाक्टरको सल्लाहमा लिने ।
- तनाव लिन हुदैन ।
- नियमित व्यायम गर्नु पर्छ ।
(इन्डोक्राइनोलोजिष्ट डा. रौनियार ओम अस्पतालमा आवद्ध हुनुहुन्छ )
