एसएलसी फेल भएका विद्यार्थीलाई गाली हैन हौसला दिऊँ
हरेक वर्ष झैं यसपाली पनि विद्यार्थीहरुको लामो प्रतिक्षालाई अन्त्य गर्दै प्रवेशिका परिक्षा (एस.एल.सी) को परीक्षाफल सार्वजनिक भएको छ । दश वर्षसम्मको विद्यार्थीको मुल्याकंन गर्ने माध्यमको रुपमा पनि एस.एल.सी परीक्षालई लिइन्छ । फलामको ढोका भनिने एस.एल.सी परीक्षा सबैको जिज्ञासाको केन्द्रविन्दु समेत बन्ने गर्छ ।
परीक्षा दिने हरेक विद्यार्थी सफल नै हुन्छन् भन्ने छैन । तर हरेक विद्यार्थीको चाहाना भने शत प्रतिशत उतीर्ण हुने । त्यस्तै हरेक अभिभावक पनि आफ्ना बालबालिकालाको राम्रो परिणामको अपेक्षा गरेका हुन्छन् । परीक्षाफल प्रकाशनको क्रममा एकतर्फी सोचाइका कारण वर्षेनी धेरै बालबालिकाहरु डिप्रेसनमा पर्ने, आत्महत्या गर्ने जस्ता समस्या देखिने गरेको पाइन्छ ।
त्यस्तै निन्द्रा नलाग्ने, नकारात्मक सोचाइ आउने तथा विभिन्न खाले मानसिक समस्यासमेत झेल्नु परेको पाइन्छ । यसबाट परिवार तथा राष्ट्रले भविष्यमा हुनसक्ने दक्ष जनशक्ति गुमाउनु पर्ने अवस्थानआउला भन्न सकिन्न ।
यस्ता किसिमका समस्या व्यवस्थापन गर्न सर्वप्रथम हरेक अभिभावक तथा विद्यार्थीले आफूमा सकारात्मक सोचाइ ल्याउने प्रयत्न गर्नुपर्छ । परीक्षालाई कुनै त्यस्तो डरलाग्दो भयानक अवस्था नठानी एउटा अवसर काे रुपमा िलनुपर्छ । ताकि अर्को वर्षसमेत त्यो अवसरको सदुपयोग गर्ने गरी आफूलाई तयारी अवस्थामा राख्न सकियोस् ।
विद्यार्थी फेल हुँदा हरेक अभिभावकलाई दुःख लाग्नु स्वभाविक हो । तर यसो भन्दैमा आफ्ना बालबालिकाको आन्तरीक क्षमताको कदर गर्न भुल्नु हुँदैन । फेल हुँदैमा सबै थोक सकिँदैन यसबाट देखिएका कमि कमजोरीलाई थप मेहनत गर्न हौसला प्रदान गर्नुपर्छ ।
नतिजाफल बिग्रेका कारण विद्यार्थी आफैंमा तनावमा परेको हुन्छन् । यस्तो अवस्थामा साथीभाइ, अभिभावक, आफन्त सबैले मनोबल गिराउने गाली हैन, हौसला बढाउने वातावरण र्सिजना गर्न सहयोग गर्नुपर्छ । जसको कारण मानसिक तनावमा परेका विद्यार्थीले गलत बाटो रोजेर कुनै भयानक दुर्घटना हुनबाट रोक्छ ।
डा .अाेझासँग नबिना कार्कीसँग गरेकाे कुराकानीमा अाधारित ।
Last modified on 2016-06-17 08:11:04
