बालबालिकालाई चिसोबाट यसरी जोगाउनुहोस्
डा. मिनराज पाठक, बालरोग विशेषज्ञ
अन्य समयमा भन्दा चिसो मौषममा बालबालिकालाई बढी संक्रमण हुने गर्छ । यो बेला बालबालिकामा रोगप्रतिरोधात्मक क्षमता कम्जोर हुने भएकाले सानोतिनो लापरवाहीले पनि उनीहरुमा निमोनिया लगायतका समस्या हुन्छ ।
जाडोमा बालबालिकालाई यस्ता समस्या बढी देखिन्छ
- रुघाखोकी ।
- ज्वारो ।
- श्वासप्रश्वास सम्बन्धी समस्या ।
- पेट सम्बन्धी समस्या ।
- छाला सम्बन्धी समस्या ।
यसकारण चिसो मौषममा बालबालिकाको खानपान, सरसफाई, लवाई हरेक कुरा उसको शारीरिक क्षमता र वातावरण अनुकुल हुनुपर्छ । अन्यथा बच्चामा विभिन्न संक्रमण भई ज्यानै समेत जान सक्छ ।
यसरी गरौं बालबालिकाको स्याहार
- बच्चालाई न्यानो कपडा लगाइदिने । (तर न्यायो कपडाले पसिना आउनु हुँदैन ।)
- सफा पानी पर्याप्त खुवाउने ।
- मनतातो झोलिलो कुरा खुवाउने ।
- मौसम अनुसारका खाना खुवाउने ।
- पौष्टिक आहारयुक्त सन्तुलित भोजन गराउने ।
- चिसो कुरा नखुवाउने ।
- कपडा परिवर्तन गर्दा घाममा वा न्यायो ठाउँमा गरिदिने ।
- चिसोको मौसममा पनि हप्ताको एक पटक घाममा नुहाइदिने ।
कतिपयले बालबालिकालाई न्यानो बनाउन कोठामा आगो वा हिटर बालेर झ्याल ढोका बन्द गरेर राख्ने गर्छन । यस्तो अवस्थामा हावा सहजै छिर्ने ठाउँ नहुँदा गुम्सियर बच्चामा अझ श्वासप्रश्वास सम्बन्धी समस्या हुन्छ । यही कारण कयौं दुर्घटना समेत भएका छन् । यसर्थ कोठा न्यायो पार्दा होस् या ओड्ने ओढदा श्वास फेर्नै गाह्रो पार्नु हुदैन् । हावा सहजै आवतजावत गर्न मिल्ने हुनुपर्छ ।
घरपरिवारमा कसैलाई रुघाखोकी लागेको छ भने बच्चाको छेउछाउमा जानु हँुदैन । उनीहरुमा रुघा सर्ने सम्भावना बढी हुन्छ । धुँवा धुलो भएको ठाउँमा नराख्ने । बच्चाको अगाडी धुम्रपान नगर्ने ।
