दुषित भोजनको सेवनबाट हुने समस्या हो फूड पोइजनिङ । यो यस्तो प्रकारको समस्या हो जसको उपचार आफैँ गरेर एक दुई दिन या एक हप्तामा सामान्य हुन सकिन्छ । 

फूड पोइजनिङको सामान्य लक्षणहरु वान्ता हुनु, वाकवाकी लाग्नु, मुखमा अमिलो पानी आउनु लगायत हुन् । फूड पोइजनिङ लामो समय रहने रोग नभए पनि गर्भवती महिला, बालबालिका र बृद्धबृद्धाहरुलाई भने यसले धेरै नै समस्यामा पार्छ । 

फूड पोइजनिङ भएको बेला अत्याधिक पानी, चिया वा जुस पिउनु पर्दछ । यसले तपाईंको शरीरमा हुने निर्जलिकरणलाई कम गर्न मद्धत गर्दछ । 

फूड पोइजनिङबाट बच्न यि कुरामा ध्यान दिनुपर्छः 

मादकपदार्थ, दुध या कफिनयूक्त पेय पदार्थ नपिउनुहोस् ।  

नरम खाद्य पदार्थ सेवन गने । जस्तैः भात, केरा, टोस्ट आदी ।  

मसलेदार, अत्याधिक चिल्लो र उच्च फ्याटयूक्त खानेकुरा नखानुहोस् ।  

आफ्नो खानामा प्रोबायोटिक्स् समाबेस गर्नुहोस, यसले राम्रा व्याक्टेरियालाई पुनः ल्याउन मद्धत गर्दछ ।  

हरिया खानेकुराहरु, तुलसीको पात, धनिया, जीरा खानुहोस् ।  

सम्भव भएसम्म आराम गर्नुहोस्, किनभने फुड पोइजनिङले थकानलाई बढाउँछ ।  

यति गर्दा पनि स्वास्थ्यमा सुधार नआएमा चिकित्सकसँग परामर्श गरेर औषधि सेवन  गर्नुपर्दछ । 

Hamro Doctor