स्वास्थ्य शिक्षामा व्याप्त राजनीतिकरण हटाई गुणस्तरीय शिक्षा प्रणाली बसाउने उद्देश्य सहित पटक पटक आमरण अनशन बस्नुभएका चिकित्सक गोविन्द केसीले आफ्नो पूर्वघोषित अनसनको कार्यक्रम पुनः स्थगित गर्नुभएको छ ।
मनमोहन मेडिकल कलेजका सञ्चालकहरुले विवादास्पद प्रतिष्ठान सम्बन्धी विधयेक संसदबाट पारित गराई कलेज चलाउने तिकडम अपनाएपछि केसीले १ महिना अघिनै 'चोरबाटो' अपनाए फागुन १६ गतेबाट अनसन थाल्ने घोषणा गर्नुभएको थियो । व्यापक जनविरोध र माथेमा कमिटिले सुझाए अनुरुप कलेजका लगानीकर्ताहरु कलेजनै सरकारलाई बेच्ने निर्णयमा पुगेको बुझिएको छ । कलेजले सम्बन्धन नपाउने सम्भावना बढेसँगै केसीले पर्ख र हेरको नीति अख्तियार गरी केही दिन अनसनमा नबस्ने निर्णय गरेको शिक्षण अस्पताल स्रोतले जनाएको छ । 
 

Hamro Doctor