उपत्यकामा भाईरल ज्वरोका बिरामी एक्कासी बढे
काठमाडौं, ८ माघ । पछिल्लो दुई दिन यता उपत्यकामा रुघा खोकी र भाईरल ज्वरोका विरामी एक्कासी बढेका छन् ।
मौसममा देखिएको फेरबदल संगै उपत्यकामा दुई दिनमै भाईरल ज्वरोका बिरामीको संख्या ह्वात्तै बढेको हो ।
शुक्रराट ट्रफिकल तथा सरुवारोग अस्पतालमा उपचारका लागि आउने ६० प्रतिशत बिरामीहरुमा मौसमी ईन्फ्लुएन्जाको आशंका चिकित्सकहरुले गरेका छन् ।
दुई दिन यता ईन्फ्लुएन्जाको लक्षण संग मिल्दा जुल्दा धेरै बिरामीहरु टेकु अस्पतालमा आएका छन् सरुवारोग विशेषज्ञ डा. शेरबहादुर पुनले भने ।
आजमात्रै मलै उपत्यकाका १७ जना बिरामी हेरे उनले भने, परिक्षण गरिएका बिरामी मध्ये १० जनामा ईन्फ्लुएन्जाको शंका गरिएको छ । डा. पुनका अनुसार ईन्फ्लुएन्जामा हुने सबै जसो लक्षण बिरामीमा मिल्न गएको छ ।
उनले ईन्फ्लुएन्जाको आशंकामा आफुले प्रति विरामी २० मिनेट सम्म लगाएर जानकारी लिएको बताए ।
उपचारमा आउनेको लक्षण
उपचारमा आउने बिरामीहरुमा ज्वरो आउँने, बान्ता हुने, पेट दुख्ने जस्ता लक्षण देखिएको चिकित्सकहरुले बताएका छन् । उनिहरुले आफ्नो परिवार र केहीले विद्यालयबाट सरको बताएका थिए ।
(नयाँ पत्रिका दैनिकबाट)
