सीओपीडी भएकाले यस्ता कुरामा ध्यान दिनुहोस्
आज सीओपीडी अर्थात क्रोनिक अब्सट्राक्टीस पल्मोनरी डिजिज दिवस, नेपालमा पनि विभिन्न जनचेतनामूलक कार्यक्रम गरि मनाइँदैछ । चिसोको मौसममा यस रोग लाग्ने संभावना बढी भएकाले सजग रहन विशेषज्ञ चिकित्सकहरुले सुझाव दिएका छन् ।
के हो सीओपीडी ?
सीओडीपीलाई दीर्घ दम खोकीको रोग भनेर पनि चिनिन्छ । फोक्सोमा रहेका ससाना श्वास नलीमा श्वास फेर्दा स्वाससँगै जाने धुलो धुवाँका कणहरु टासिन्छन । लामो समय भएपछि यी स्वास नलीका भित्ताहरुमा क्रोनिक संक्रमण हुन्छ र नलीहरु सुन्निन्छन् । यही कारणले श्वास फेर्न गाह्रो हुन्छ र छातीमा घ्यार्र घ्यार्र हुनथाल्छ । र अन्त्यमा गएर सीओपीडी हुन्छ । अर्थात धुँवा धुलोको कारण फोक्सोका स्वास नली बन्द भएर लाग्ने रोगलाई सीओपीडी भनिन्छ ।
सीओपीडी लाग्ने मूख्य कारण :
नियमित धुम्रपान तथा मद्यपान गर्नु ।
धुवाँ, धुलो प्रदुषित वातावरणमा बढी बस्नु ।
इटाभट्टा तथा ढुंगा माटोको काम गर्दा सावधानी नअपनाउनु ।
सीओपीडीका लक्षण :
उमेर बढेसँगै वा ३५-४० वर्षको उमेरदेखि खोकी लाग्नु ।
लामो समय हप्तौंसम्म खोकी लाग्नु ।
श्वास फेर्न अप्ठ्यारो हुनु ।
छाती घ्यार्र घ्यार्र हुनु ।
खोक्दा खकार आउनु ।
उकालो चढ्दा गाह्रो हुनु ।
सीओपीडीबाट बच्ने उपाय ः
धुम्रपान, मद्यपान नगर्ने ।
स्वच्छ वातावरण बस्ने ।
माटो ढुंगाको काम गर्दा तथा घरयासी काम गर्द विशेष सर्तकता अपनाउने ।
छाती घ्यार्र घ्यार्र भए वा लामो समय खोकी लागे तुरुन्त स्वास्थ परीक्षण गराउने ।
पौष्टिक आहारयुक्त सन्तुलित खाना खाने ।
.jpg&w=179&h=128&static=true)
