जाडो मौसममा मुटुसम्बन्धी रोगबाट बच्न यसो गर्नुहोस्
गर्मीभन्दा जाडो मौसममा मुटुसम्बन्धी रोगका बिरामीको संख्या बढी हुन्छ । यो मौसममा एकपटक मुटुजन्य रोग लागेर सन्चो भइसकेका व्यक्तिमा पुनः बल्झिने सम्भावनासमेत उतिकै हुन्छ । यो मौसममा चिसोले एकाएक मुटुका नलीहरु खुम्चिएर हृदयघात हुने डर पनि उत्तिकै हुन्छ ।
लक्षण
प्रेसर बढ्छ
सास फपेर्न गाह्रो हुने
छाती दुख्ने समस्या
रिंगटा लाग्ने, टाउको दुख्ने
हर्टअट्याक हुने सम्भावना पनि हुन्छ
बच्ने उपाय
चिसोमा नबस्ने । छाती दुख्ने, सास फेर्न गाह्रो भयो भने तुरुन्त अस्पताल जानुपर्छ ।
जाडोमा किन ब्लडप्रेसर बढ्छ ?
गर्मीमा भन्दा जाडोमा ब्लडप्रेसर अर्थात् उच्च रक्तचाप बढ्छ । त्यसको कारण भनेको चिसोको बेला छालामुनिका मसिना नलीहरु खुम्चिन थाल्छन् र रगत भित्रको मुख्य नलीमा जान्छ । बाहिरका नसामा बहने रगतसमेत भित्रका नसामा गएपछि चाप बढिहाल्छ । त्यसले पनि प्रेसर बढाउन मद्दत गर्छ ।
मुटुरोगीले ध्यान दिनुपर्ने कुरा
एकदम चिसोमा घरबाहिर ननिस्कने ।
मर्निङ्गवाक गर्ने बानी छ भने इभनिङ्गवाक गर्न सकिन्छ ।
चिसो छ भन्दैमा चुरोट सेवन गर्नुपर्छ भन्ने छैन । चुरोट सेवन गर्दै नगर्ने ।
एकदमै चिसो पानी नखाने । मनतातो पानीको सेवन गर्नुपर्छ ।
माछामासुसँगै फलफूल हरियो तरकारीमा पनि जोड दिने ।
.jpg&w=179&h=128&static=true)
