काठमाडौँ, १३ कात्र्तिक । स्वयंसेवी रक्तदाता समाजले अस्पतालहरूमा बिरामीले भोग्नुपरेको रगत अभावको समस्या कम गर्न देशव्यापी रक्तदान अभियान घोषणा गरेको छ । 

समाजका अध्यक्ष शतक रक्तदाता प्रेमसागर कर्माचार्यका अनुसार अभियानको नारा ‘नियमित रक्तदान गर्नु सामाजिक दायित्व र कर्तव्य हो, निस्शुल्क रगत पाउनु बिरामीको नैसर्गिक अधिकार हो’ राखिएको छ । 

अभियानको सुरुवातका रूपमा शनिबार समाजको काठमाडौं महानगर ३० नम्बर वडा समितिले मैतीदेवी मन्दिर प्रांगणमा आकस्मिक रक्तदान आयोजना र्गयो । त्यस अवसरमा ५० जनाले रक्तदान गरे । 

‘स्वयंसेवी रक्तदाताहरूको साथ र सक्रियता नहुने हो भने रगतकै अभावमा धेरै बिरामीको अकाल मृत्यु हुने अवस्था छ,’ कर्माचार्यले भने, ‘त्यो अवस्था नआओस् भनेर हामीले पहल गरेका हौं ।’

(आजको कान्तिपुर दैनिकबाट)

Hamro Doctor